LAOAG CITY – Inlawlawag ni Senador Imee Marcos a saan nga agririri ti pamilia Marcos ken awan ti nagbaetanda iti kabsatna a ni Presidente Ferdinand Bongbong Marcos Jr.
Daytoy ket iti baet dagiti isyu iti nagbaetan da Presidente Marcos ken Vice President Sara Duterte no sadinno ti nabukel nga Uniteam ket maibagbaga a ti Senadora ti nangidaulo.
Inbatad ni Sen. Marcos, awan ti riri iti uneg ti pamiliada a ti laeng mangriribok ket dagiti adda iti aglawlaw iti kabsatna ken ni Duterte.
Kunana nga adu laeng ti agar-aramid ti sayangguseng, agim-imon ken ambisyoso nga ipaalisto ti 2028.
Immapela ni Sen. Marcos iti amin a baybay-an nga ileppas da Presidente Marcos ken Vice President Sara ti termino dagitoy.
