LAOAG CITY – Inpetteng ni Senadora Imee Marcos a masapol nga isubli iti kabiitan a panawen dagiti pulis a naka-assign kas security ken ni Vice President Sara Duterte.
Segun ken ni Marcos, a mabigbig a pagayam ni Duterte, masapol a maisubli dagiti pulis a mangipapaay ti seguridad ken ni Vice President Duterte gapu ta isuna ti maikadwa a kangatoan nga elected official iti pagilian isut gapuna a saan a rumbeng a makompromiso ti kinatalged na.
Malaksid iti daytoy, kuna pay ni Marcos a ni Vice President Duterte, kas iti ama na a ni dati a Presidente Rodrigo Duterte ket naiget a mangikalkalintegan ti law and order isut gapuna nga umun-una da iti order of battle ti New People’s Army.
Inpalgak pay ti senadora a saanna nga am-ammo ti baro nga hepe ti Philippine National Police a ni General Rommel Marbil a nangimandar ti pannakaikkat ti security detail ti maikadwa a presidente ti pagilian.
Immunan nga inpalgak ni Senador Christopher Bong Go nga immuna a naikkatan ti security manipod iti Philippine National Police.
Maipalagip a tallo a pulis tin aka-assign a mangipaay seguridad ken ni Go ngem inikkat ni General Marbil.
