LAOAG CITY – Inruar ni Senador Panfilo Lacson ti nagan ti opisial ti Department of Public Works and Highways (DPWH) a nanggandat a maaddaan ti insertions iti 2026 national budget.
Naammoan a maysa nga Undersecretary Cabral ti maipagarup a timmawag ken ni Senador Vicente Sotto III kalpasan ti May 2025 elections a nangimbitar iti Senador a maaddaan ti insertion iti 2026 national budget.
Tinawagan ti opisial ti maysa kadagiti staff ni Sotto ken kalikagumda nga adda ti mairaman iti nasao a budget.
Inlawlawag met ni Sotto a saan a direktra a nakasaritana ni Undersecretary Maria Catalina Cabral ken imbes iti naipatulod nga emisaryo.
Ni Cabral ket undersecretary for planning, public-private partnerships, and information management services.
Maipalagip nga inbutaktak ni Lacson dagiti anomalya a napasamak kadagiti flood control projects a karaman dagiti sumagmamano nga opisial ti Department of Public Works and Highways.
