LAOAG CITY – Kwinestyunaran ni Senador Pia Cayetano ti legalidad ti insayangkat a sesyon ti Senado nga inatendaran ti 12 a senador ita nga aldaw ti Miyerkules, Hunyo 3.
Inpetteng na a saan nga umdas ti nasao a bilang tapno mangbukel tiquorum ken mangisayangkat ti opisyal a sesyon.
Segun ken ni Cayetano, nalawag ti probisyon ti 1987 Constitution a mangibagbaga a ti Senado ket bukbuklen ti 24 a miyembro ken kasapulan ti mayorya ti pakabuklan a bilang na tapno makaisayangkat ti opisyal a sesyon.
Dinakamat pay ti senadora ti maipatpatungpal a Senate Rules a nakaipalaon a dagiti opisyal ti Senado ket masapol a mabotosan babaen ti mayorya a botos ti amin a kameng ti pagpandayan linteg.
