LAOAG CITY – Nagtalinaed nga awan ti komunikasyon ti senado ken ni Sendaor Ronald Dela Rosa, nasurok a tallo a bolan sipud naudi a nakita iti kangatoan a pagpandayan linteg iti kongreso.
Iti maysa nga interview, nasaludsud ken ni Sen. Panfilo Lacson no makikokoordinar kadagiti senador wenno iti liderato ti Senado ti dati nga heneral iti uneg ti sumagmamano a bolan a saanna a panagpakita.
Segun ken ni Lacson, arigna ‘invisible’ iti agdama ni Dela Rosa.
Kuna na a makasarsarita laeng ti Senado ti maysa kadagiti anak ken sumagmamano nga staff ni Dela Rosa nga agtultuloy nga agtrabaho iti opisina na no sadinno nga inrakurak dagitoy nga uray isuda ket saan a kakonkontak ti senador.
Kabayatanna, inbatad ti liderato ti Senado nga awan ti rason tapno iserra da ti opisina ni Dela Rosa wenno saan da a sweldoan dagiti staff na gapu ta saan a sumsumrek ken makipaspaset iti sesyon ti nasao a senador.
