Kayat ni Senate Committee on Foreign Relations Chairperson Imee Marcos nga imbestigaran ti komite iti kabiitan a panawen ti “gentleman’s agreement” iti nagbaetan da dati a Presidente Rodrigo Duterte ken ti gobierno ti China mainaig iti West Philippine Sea.
Segun kenni Marcos, iti agdama ket isagsaganana ti agenda para iti hearing kasta met ti listaan dagiti maawis a resource persons.
Mainaig iti daytoy ket saan a makaaramid ti hearing a dagus ti komite ni Marcos gapu ta awan pay ti bakante a kuarto ken napno pay laeng ti slot ken schedule dagiti hearing.
Inabatda ti senadora a saanna kayat ti matambakan isu nga agtultuloy ti panangisayangkatna ti hearing ken makitana iti sumaruno nga aldaw ket maikkeddeng kenkuana daytoy.
Kabayatanna, inlawlawag ni Marcos nga awan ti panggepna a mangidarum ken ni dati a Presidente Duterte a kas pagayam ti senadora ken saan a politikal ti iyuswatna nga imbestigasionna iti gentleman’s agreement.