LAOAG CITY – Naawaten ti Senado dagiti naisubmitir a dokumento manipud iti Bureau of Internal Revnue (BIR) mainaig iti tax records dagiti agasawa a da Vice President Sara Duterte ken Atyy. Mans Carpio, pakairamanan dagiti dadduma pay nga anomalia a nakakonektar kadakuada.
Ti nasao a naisubmitir a papeles, pakairamanan dagiti dadduma pay a subpoenaed documents ket manarimaan a maipros-proseso sakbay a maipaima daytoy kadagiti partido para iti bukodda a kopia.
Maipalagip a ti pannakaiparuk-at dagiti nasao a dokumento manipud iti Bureau of Internal Revnue (BIR) ket kalpasan ti pammilin ni Presidente Ferdinand Marcos Jr.
Kalikagum a matingiting ti nasao a tax records para iti posibilidad ti anomalia a panagusar iti pondo ken dagiti operasion nga adda pakinaiganna iti korapsion.
Kabayatanna, impasigurado met ti Senado a ti amin nga ebidensia ket dumalan iti umno a proseso sakbay a maaramat daytoy iti panagusig.
