LAOAG CITY – Ginutigot ni Senate Minority Leader Alan Peter Cayetano ti publiko a denggen ti maikalima nga State of the Nation Address (SONA) ni Presidente Ferdinand Marcos Jr. ken tingitingen ti mensahe na basar iti linaon, imbes a ti personalidad ti presidente.
Iti maysa nga statement, inbatad ni Cayetano a napateg a denggen ti amin ti report ni Presidente Marcos Jr. tapno maamoan ti pudno a sitwasyon ti pagilian ken dagiti plano ti administrasyon.
Segun iti senador, masapol a buyaen ti State of the Nation Address, supporters man ti administrasyo wenno dagiti kritiko na.
Inpetteng na pay a napatpateg a tingitingen ti linaon ti report ti presidente imbes a ti siasinno laeng nga agirakrakurak iti daytoy.
Kuna pay ni Cayetano a kalpasan ti State of the Nation Address ket mangiyuswat ti ababa a vlog tapno trataren ti pannakaawat na iti panagbitla ti presidente, karaman kadagiti punto a paboran ken kontraen na.
Innayon ti senador a paset ti panangipateg ti pagilian ti panagbalin a silulukat ken kaadda ti umdas a pannakaammo kadagiti napapateg nga isyu a sangsangwen ti Pilipinas, isut gapu na a napateg nga agbalin a responsable kadagiti idatag a programa ken direksyon ti gobierno.
