LAOAG CITY –Silulukat ni Senate President Pro Tempore Sherwin Gatchalian a makidayalogo iti paksyon ni Senator Alan Peter Cayetano tapno urnusen ti susik iti liderato ti Senado a nangitunda ti pannakaitantan ti sumagmamano a trabaho iti kangatoan a pagpandayan linteg iti kongreso.
Iti maysa nga interview, inbatad ni gatchalian a nakasagana a makisarita iti amin a senador, aniaman ti pakairamanan da a grupo tapno maisubli ti normal nga operasyon ti Senado.
Segun kenkuana, napateg ti dayalogo tapno masolbar ti susik ken makapokus da manen iti panagaramid kadagiti linteg para iti publiko.
