LAOAG CITY – Saan a kontento ni Senador Robin Padilla iti addang ti administrasyon ni Presidente Ferdinand Marcos Jr., iti korapsyon iti flood control projects ti gobierno, gapu ta sumagmamano paylaeng dagiti napagsungbat.
Iti maysa nga interview, inbatad ni Padilla a 2 laeng ti grado nga ipaay na iti administrasyon gapu ta ado paylaeng dagiti malaylayos a lugar iti sumagmamano a paset ti pagilian.
Inpetteng pay ti senador a masapol nga awan ti pilpilyen ken maris pulitika na ti isaysayangkat nga imbestigasyon kadagiti maanomalya a flood control projects.
Inpaganetget na a panagpulpulitika ti rason ti pannakaibalud ti dua a kakadwa da nga isuda Senador Jinggoy Estrada ken Senador Rodante Marcoleta.
Kabayatanna, malaksid iti isyu ti flood control scandal, namnamaen met ni Padilla a matratar iti State of the Nation Address (SONA) ti presidente ti epekto ti El Niño iti pagilian, ti kaunaan nga eleksyon iti Bangsamoro Autonomous Region in Muslim Mindanao (BARMM) ken ti isyu iti relasyon ti Pilipinas ken China.
Kabayatanna, inpalgak pay ti senador a masapol a matratar pay iti Legislative-Executive Development Advisory Council (LEDAC) dagiti isyu mainaig ti Freedom of Information ken ti nailungalong a pannakaipawil kadagiti agtawen ti 16-agpababa nga agusar ti social media.
