LAOAG CITY – Nakasagana ni Senate Minority Leader Koko Pimentel nga idauloan ti panangtingiting ti impeachment rules para iti imbestigasion kontra ken ni Vice President Sara Duterte.
Daytoy ket kageddan ti rekomendasion ni Senate Committee on Rules Chairman Francis Tolentino nga idauloan ni Pimentel iti panag-draft ti impeachment rules para iti impeachment case ken ni Duterte iti babaen ti maysa nga special subcommittee.
Inbatad ni Pimentel nga awan ti problema kenkuana nangruna ket limada laeng nga abugado iti Senado isu a posible nga awanen ti sabali a choice wenno pagpilian.
Inlawlawag ti Senate Minority Leader nga iyurayna laeng ti official assignment-na ken insigda a talantanenna kadagiti staff-na ti panangtingiting iti impeachment rules.
Innayonna a kas ken ni Tolentino ket kandidato met isuna ita a midterm elections ngem nakasagana isuna nga iyalokar ti orasna iti impeachment gapu ta paset daytoy iti responsibilidadda.
