LAOAG CITY – Sinungbatan ni Senate President Tito Sotto III dagiti rakurak ni Senador Imee Marcos mainaig iti inpasa a 2026 budget a maipagarup nga adda latta ti soft pork a naipalaon kadagiti ayuda programs ti gobierno.
Inpetteng ni Sotto a dagiti akusasion ni Sen. Imee ket saan a patas ken awan ti natibker a pangibasaran.
Inlawlawagna a saan a maawagan a soft pork dagiti ayuda gapu ta saan met a lumpsum funds ken saan a mabalin a makibiang ditoy dagiti senador.
Kunana nga entitled iti bukudna nga opinyon ti senadora.
Naglikudan ti Senate President a mabalin nga usaren dagiti ayuda programs tapno maipursige ti impeachment case kontra ken ni Vice President Sara Duterte.
Innayonna a nalidem a mapasamak daytoy no nalawag nga adda ti anti epal provision ken saan a makibiang dagiti pulitiko iti panangipaay kadagiti ayuda.
