LAOAG CITY – Nangipila ni Senator Jinggoy Estrada on ti reklamo kontra kenni dati a Bulacan first district assistant engineer Brice Hernandez iti Quezon City Prosecutor’s Office.
Ummunan nga inbatad ni Estrada nga agpila ti perjury complaint kontra kenni Hernandez.
Ni Hernandez ti nangibutaktak a ni Estrada ken Senator Joel Villanueva ti maipagarop nga adda ti pakainaigan na iti flood control projects kabayatan ti panagdengeg iti House Infrastructure Committee, no sadino mapapati a nakaawat da ti 30% “SOP” manipud iti proyekto.
Iti statement, kinarit ni Estrada ni Hernandez a dumalan da iti lie detector test a sisasango ti publiko.
Maipalagip a naglikudan dagiti senador ti alegasyon kontra kadakuada.
