LAOAG CITY – Nagballaag ni P/Maj. Kristian Lee Badua, pannakangiwat ti Ilocos Norte Police Provincial Office mainaig iti scam incident.
Segun kenkuana, basar iti imbestigasionda, dagiti kangrunaan nga online scam a mapaspasamak ditoy probinsia ket kas ti impersonation scam, ayuda scam, online lending app scam, love or romance scam ken dadduma pay.
Inbatadna a no agbalin a biktima kadagiti nasao nga scam ket mabalin nga ag-report iti Cyber Response Team ti Ilocos Norte Police Provincial Office wenno iti kaasitgan a kuerpo ti pulisia.
Inlawlawagna a mabalin pay nga ag-report kadakuada dagiti umili a na-hack dagiti social media accounts-da.
Kunana nga adda dagiti kaso nga iggemda ngem saan pay laeng a mabalin nga ibuksilan gapu ta manarimaan pay laeng ti maiwaywayat nga imbestigasion.
