LAOAG CITY – Maysan a nalamiis a bangkay ti maysa a senior citizen idi nabirukan iti mismo a kusina ti balay na idiay Barangay 1, Cabaraon, Piddig, Ilocos Norte.
Nabigbig daytoy a ni Roman Navarro y Vinoya, agtawen ti 67, awanan ti asawa ken residente iti nasao a lugar.
Segun kenni Police Senior Inspector Jephre Taccad, nabirukan ti karruba ti biktima a ni Stephen Co y Antonio, agtawen ti 25, awanan ti asawa ken residnete met laeng iti nasao a lugar.
Inbatad na a basar ti palawag ni Co ket naudi a nakita ti biktima iti alas-dos ti malem idi Oktubre 12 ken agsagsagaba ti ulcer.
Kunana a naitaray ti biktima iti Piddig District Hospital ken inbatad ni Dr. Lorna Hernaez, ti attending Physician nga awan ti senyales a nadangran ken ti labutab a nakita iti ngiwat na ket gapo iti stomach illness.
Naamoan nga agmaymaysan nga agbibiag ti biktima ken addaan ti rekord iti ospital mainaig iti nasao a sakit.
