LAOAG CITY – Kinumpirmaran ni PLt. Manuel Ordonio, ti hepe ti PNP-Pasuquin a maysa senior citizen ti pimmusay iti nasao nga ili.
Daytoy ket kalpasan a pinaltugan na ti bukod na a bagi iti uneg a mismo ti pagtaengan da.
Inpakaamo ni Ordonio a ti biktima ket agtawen ti 67 a lakay, maysa a retirado nga electrical engineer, american citizen ken tubo iti ili ti Pasuquin.
Inbatad na a basar iti palawag ti asawa ti biktima, idi kasangsangsangpet da a naggapo iti ospital para iti panagdialysis na ket dinamag na nu ana ti kayat na ti agmeryenda.
Gapu ta inbaga ti asawa na a kayat na ti mangan, napan nagisagana ti kanen na ken kalpasan ti sumagmamano a minutos ket kellaat nga adda ti nanggeg na a nagputok.
Gapu iti daytoy, nagtartaray ti baket a napan iti kwarto da ken dita a nakita na nga awan ti biyag ti nakatugaw nga asawanan gapu iti panangpaltog na ti ulo na.
Mainaig iti daytoy, kuna ni Ordonio a posible nga agpaspasar ti depresyon ti biktima gapu iti panagsaksakit na isut gapu na a nagpakamatay.
Innayun na nga awan ti plano ti pamilya a mangipadalan iti otopsiya ti lakay.
Kabayatanna, inbunnag ni Ordonio nga adda iti listaan da iti Oplan Sibat ti paltog ti biktima.
Nu pay kasta, saan na nga insurrender daytoy idi 2014 rason nga adda ti inusar na a panangpaltog ti bagbagi na.
