LAOAG CITY – Nagtalinaed nga ipatpatungal ti shellfish ban idiay Matarinao Bay iti Eastern Samar kalpasan a nakumpirmaran ti laboratory tests ti agtultuloy a presensia ti red tide toxins, basar iti Bureau of Fisheries and Aquatic Resources (BFAR) idi Mierkoles.
Inbatad ti Bureau of Fisheries and Aquatic Resources a nagpositibo iti saxitoxin dagiti shellfish a nakolektar manipud iti kabaybayan ti General MacArthur, Quinapondan, Hernani ken Salcedo a mabalin a mangitunda ti paralytic shellfish poisoning.
Saan a natalged a kanen dagiti amin a klase ti shellfish ken Acetes species manipud iti nasao a lugar.
Nagtalinaed a positibo iti red tide toxins ti Matarinao Bay sipod pay idi umuna a paset ti Enero.
Binalakadan ti Bureau of Fisheries and Aquatic Resources ti publiko a saan nga agkalap, aglako wenno mangan ti shellfish manipud kadagiti naapektaran a baybay.
