LAOAG CITY – Nangipatungpal ti Sheriff ti Metropolitan Trial Court Branch-165, 105 Muanaha St. Pasay City ti Writ of Replevin iti maysa a lugan iti maysa a lugan a Nissan Patrol nga addaan ti plate number nga UNO 898 iti Barangay Guerrero iti ili ti Dingras.
Segun ken ni P/Maj. Norman Pentang, Hepe ti Dingras Municipal Police Station, naiserbi ti Writ of Replevin kalpasan a ti nasao a lugan ket maipagarup a saan pay a nabayadan a buo no sadinno nga adda pay ti 300 a ribu a pisos a bayadan ti nakainagan iti lugan.
Inbatadna a kinasarita ti Sheriff ti maysa nga agtawen ti 44 a babai ken ineksplikarna ti kayatna a saoen ti Writ of Replevin ngem kunana a kasaritana pay laeng nga umuna ti abugadona.
Kunana a kalpasan ti sumagmamano a minuto, adda ti dua a lallaki ti nakalugan iti nasao a lugan a gandatenda ti tumalaw.
Nupay kasta, inlawlawagna a sinerraan ti Sheriff ti lugan dagiti maseknan ngem nakalibas met laeng dagitoy.
Gapu iti daytoy, nagkiddaw ti tulong ti Sheriff iti Dingras Municipal Police Station rason nga insigida a nangiwayat ti dragnet operation ken hot pursuit operation dagiti otoridad.
