LAOAG CITY – Inpangaton ti Philippine Atmospheric, Geophysical and Astronomical Services Administration (PAGASA) ti Tropical Cyclone Wind Signal No. 1 iti sumagmamano a paset ti Cagayan gapu iti umas-asideg a Super Typhoon Inday.
Karaman kadagiti lugar nga addan iti Signal No. 1 ti abagatan a daya a paset ti Cagayan, partikular kadagiti ili ti Santa Ana, Gonzaga, Lal-Lo, Gattaran ken Santa Teresita.
Basar iti weather bulletin ti PAGASA, adda paylaeng iti ruwar ti Philippine Area of Responsibility (PAR) ti bagyo ngem namnamaen a sumrek daytoy iti pagilian ita nga aldaw ti Miyerkules.
Naudi a nakita ti sentro ti Super Typhoon Inday iti kaadayo a sumuruk-kumurang a 1,545 a kilometro abagatan ti Northern Luzon.
Addaan daytoy ti kapigsa ti angin nga umab-abot iti 185 a kilometro iti kada oras ken pasaray pumigsa agingga iti 230 kilometro iti kada oras .
