LAOAG CITY – Adda ti koneksion ti trangkaso ken seryoso a cardiac events.
Basar iti naipablaak nga artikulo iti “The Journal of Infectious Diseases” ti pagaammo laeng dagiti tattao ken mabalin nga agkakomplikasion ti pneumonia, bronchitis ken bacterial infection iti baga ti `flu virus.’
Nupay kasta, natakuatan iti baro a panagsukisok a ti trangkaso a maysa nga ordinario a respiratory illness manipud iti influenza ket adda ti peggadna a maatake iti puso ken stroke.
Naammoan a dagiti adult nga agtawen iti 50 ken agpangato nga addaan ti kaso ti mild flu ket nakitaan ti doble a risgo a nakapasar ti heart attack wenno ischemic stroke iti uneg ti dua a lawas kalpasan a nakaptan ti virus no sadino a walo kadagiti pasiente ti nakapasar ti acute cardiac event.
Mainaig iti daytoy, inbatad ni Dr. Gregory Katz, ti Assistant Professor iti Department of Medicine iti Leon H. Charney Division of Cardiology iti NYU Langone Health, dagiti impeksion a rimmuar iti paset ti bagi ket mabalin a makaapektar iti dadduma pay a paset ti bagi ti maseknan.
Kabayatanna, kuna met Dr. Majid Basit, Cardiologist iti Memorial Hermann iti Houston, kadagiti sumagmamano a kaso, ti influenza virus ket mabalin a direkta a makaapektar iti heart cell a posible nga agresulta iti panagkapsot ti puso ken heart failure.
