LAOAG CITY – Kinumpirmaran ni Barangay Kagawad Jay-z Lagundino iti Barangay Pancian iti ili ti Pagudpud a passable itan ti dalan kalpasan ti panagregaay ti daga gapo iti panagtudo.
Segun kenni Lagundino, iti laksid daytoy ket delikado pay laeng ti panagdalyasat iti lugar nangruna ket agtultuloy pay laeng ti panagtudo.
Kunana a dagiti residente nga asideg iti baybay wenno karayan ket saan met a naibakwit gapo ta idi malem ket simmayat ti sitwasyon ngem napasaran da latta manen ti nagpatnag a panagtudo.
Inpasigurado na met nga agtultuloy ti panagmonitor da ken naka-standby latta dagiti kameng ti DPWH pakairamanan dagiti equipment a mausar no bilang adda ti panagreggaay.
Mainaig iti daytoy, inbatad ni Lagundino nga uray dagiti mula dagiti residente ket naapektaran met iti panagtudtudo.
