LAOAG CITY – Natiliw dagiti siyam nga indibidual gapu iti illegal a panagsusugal iti paset ti Brgy. 11 Paco Roman Street Corner P Gomez ditoy ciudad ti Laoag.
Basar iti report, nagresponde a dagus dagiti otoridad kalpasan a nakaawat da ti report nga adda ti agsusugal iti nasao a lugar.
Iti panagturong dagiti otoridad ket naaktwan da dagiti uppat a suspek nga agay-ayam ti billiard idinto a dagiti uppat ket nagtaya da laeng.
Naamoan a karaman pay kadagiti natiliw ket ti agtagikua ken mangiwanwanwan iti illegal nga aktibidad.
Nakumpiskar dagiti otoridad iti lugar ti pito a cue sticks, maysa nga extention (tiririt), uppat a cases ti cue sticks ken ti maipagarop a pusta dagiti suspek a P3,313.
Malaksid iti daytoy, adda pay ti nakumpiskar dagiti otoridad a P21,936.00 ken maysa a dolyar a mapapati a mausar pay para iti nasao nga illegal nga aktibidad.
Iti agdama, maisagsaganan ti maipila a reklamo seknan ti panaglabsing iti Presidential Decree 1602 wenno Illegal Gambling kontra kadagiti suspek.
