LAOAG CITY – Naglikudan ni SK Federated President Hervin Dave Pagdilao iti ili ti Pinili a kinabil na ni SK Chairman Kelvin Gubac iti Barangay Pugaoan iti nasao met laeng nga ili.
Segun kenni Pagdilao, adda laeng ti saan da a nagkinaawatan kenni Gubac idi maiyus-uswat ti taripnong da para iti preparasyon ti Sang. Kabataan iti maika-100 a tawen nga anibersaryo ti ili da.
Inlawlawag na a kinumprontar ba laeng gapo ta maipagarop nga adda ti dumandanon kenkuana a reports a ti idadaulwan ni Gubac nga SK ket saan a tumultulong iti cluster a pakaibilangan na.
Ummuna iti daytoy, kas preparasyon mainaig iti selebrasyon ket nabingay dagiti SK ken naikkan ti partikular a trabaho iti kada grupo.
Nupay kasta, kuna ni Pagdilao iti report a maipagarop a saan a tumultulong ni Gubac iti grupo na ken rumrumwar pay a dildillawen wenno kritkritikaren na ti sabali a cluster.
Nagkedked met nga nagpainterview ni Gubac ngem inpasigurado na nga agkomento kalpasan ti panagsasarita da kenni Pagdilao.
Mainaig iti daytoy, kinumpimaran pay ti PNP-Pinili nga addan ti rekord da seknan iti daytoy ken basar iti imbestigasyon da ket awan ti anyaman a sinagaba ni Gubac a pakakitaan kuma a nadangran daytoy.
Inlawlawag ti hepe ti nasao nga ili a ti laeng napasamak ken ginandat a danugen ni Pagdilao ni Gubac ngem rumrumwar a a nakalisi daytoy.
Kalpasan daytoy ket dagus a napan nagresponde dagiti kameng ti BFP iti nasao nga ili ken naipan dagiti dua ng SK Chairmen iti kerpo ti pulisya ken dimmalan da iti eksaminasyon kas iti liquor test.
Rumrumwar a ni Pagdilao ket adda iti impluwensya ti nasanger iti dayta a gundaway ngem naglikudan na daytoy idinto a ni Gubac ket nagnegatibo iti nasao nga eksaminasyon.
Maipalagip a basar iti innuman ti Bombo Radyo kenni Gubac ket inpetteng na a pinaayaban isuna ni Pagdilao ken ditoy a napasamak ti maipagarop a panangdangran na kenkuana.
