LAOAG CITY – Natiliw ti maysa a baro iti naiyuswat a drug buy-bust operation iti paset ti Barangay 23, San Matias ditoy ciudad ti Laoag.
Nabigbig ti subject ti operasyon a ni Charles Bryan Angel Tabangay Aliga alyas Bryan”, agtawen ti 20, estudyante iti student of Alternative Learning System (ALS), SK kagawad ken residente iti Sitio 1, Brgy 49-B, Raraburan, Laoag City.
Naamoan a ti suspek ket adda iti Drugs Watch List iti Street Level Target (SLT) ti PNP-Laoag.
Segun ti PNP, tiniliw da a dagus ni Aliga kalpasan a naglako ti maysa a bassit a ziplock a naglaon ti napagango a marijuana nga agbalor ti 500 a pisos.
Malaksid ti daytoy, nakumpiskar pay dagiti otoridad ti 500 a pisos a nausar ti operasyon, maysa a black coin purse nga adda nagyan na a 100 a pisos ken Student Permit (SPR); maysa nga unit ti iphone 6S, colored rose gold ken ti 1 nga sling bag nga ayan ti school material wenno personal belongings ti suspek.
Iti agdama, maisagsaganan ti kaso a maipila kontra ken ni Aliga.
