LAOAG CITY – Nagballaag ti Korte Suprema a ti nakaro a panangdisiplina iti maysa nga ubing ket maibilang kas child abuse no adda ti nalawag a gagem na a mangdadael ti dignidad ti maseknan.
Inaramid daytoy ti Korte Suprema kalpasan a nasentensyaan a guilty ti maysa nga ama iti child abuse wenno panaglabsing iti Republic Act No. 7610 wenno ti Special Protection of Children Against Abuse, Exploitation and Discrimination Act gapu iti panangidalan na iti nadamsak ken sobra a panangdisiplina iti dua nga annak na nga agtawen ti 12 ken 10.
Naamoan a sipud 2017 agingga iti 2018 ket dangdangran ti aman dagiti annak na babaen ti panangkugtar, panangpungot, panangibabaot kadagiti nagduduma a banag ken panagsasao na ti saan nga agkakadakes a sarita.
Iti babaen ti Section 3(b) ti Republic Act No. 7610, ti aniaman nga aramiden a mangpababa ti dignidad ti maysa nga ubing ket maibilang a child abuse.
Inlawlawag ti Korte a nupay adda ti karbengan dagiti nagannak a mangdisiplina kadagiti annak, masapol a saan nga agbalin a nadamsak ken sobra ti aramiden a pannusa.
