LAOAG CITY – Nagdesisyon ti Kapuso actress a ni Sophie Albert a temporaryo paylaeng a panawan na ti showbiz.
Daytoy ket gapu ta pinili ti asawa ni Vin Abrenica nga agbalin a full-time mommy ken ipaay amin ti oras ken panawen na iti pamilya na.
Iti baro a vlog ni Sophie kadwa na ni Vin ken ti anak da ani Ava, inrakurak na a pito a bolanen a masikog iti maikadwa nga anak da.
Inbatad ti aktres a nakaad-ado dagiti realization na iti biag kangrunaan na ita ta agbalinen a dua ti anak da ken ni Vin.
Inadmitir ni Sophie a sakbay a naaddaan ti asawa ken anak ket naiget a pressure ti narikna na no maipapan iti showbiz career na.
Nupay kasta, iti agdama ket makarikrikna ti pressure iti panagbalin na nga asawa ken full-time mom ken ni Ava ken ti mainayun a miembro ti pamilya da.
Kabayatanna, mangnamnama ni Sophie nga iti baet ti nagbalin a desisyon na a panawan na paylaeng ti showbiz ket agtultuloy latta ti panangsuporta kenkuana dagiti fans na iti baro a chapter ti personal a biagna.
