LAOAG CITY – Manamnama ti ibibisita ditoy Pilipinas ni Korean President Yoon Suk Yeol, kas sungbat iti imbitasyon ni Presidente Ferdinand R. Marcos Jr.
Manamnama nga inton Oktubre 6 ket addan ni Korean President Yeol ken ken ni First Lady KIM Keon Hee no sadinno a sabaten isuna ti Presidente ken ni First Lady Liza Araneta-Marcos.
Segun iti Malacañang, adda maangay a bilateral meeting dagiti dua a Presidente ken pagsasaritaan dagiti political matters, security and defense, maritime, economy, people to people ties, labor ken consular matters, ken dadduma pay nga adda pakaseknan na iti panagdur-as.
Agraman dagiti sumagmamano nga isyu iti rehional ken internasyonal ket mapagsasaritaan.
Daytoy a panagbisita ket maigiddan iti maika-75 nga anibersario ti pannakaipasdek ti diplomatic ties iti nagbaetan ti dua a pagilian, a nangrugi idi Marso, 1949.
Kabayatanna, ti panagbisita ni Presidente YOON ti umuna nga standalone bilateral visit na sipud idi 2011.
