LAOAG CITY – Innikat ti Sangguniang Panlungsod ditoy siudad ti Laoag ti pannakaipawil ti pannakaipabuya wenno panagiwaras ti publiko iti X-rated, XX-rated, ken triple X-rated a pelikula wenno tapes pakairamanan dagiti pornographic magazines.
Daytoy ket kas paset ti pannakaamyendar ti Sangguniang Panlungsod iti City Ordinance No. 97-043 wenno an Ordinance enacting the Cleanliness and Environment Management Protection Code of the City of Laoag and penalties for violations wenno ti Oplan Dalus Code
Segun ken ni Sangguniang Panlungsod Member John Michael Fariñas, Chairman ti Committee on Environment, daytoy nga addang ket makatulong tapno ad-adda a magun-od ti nadaldalos a lugar ditoy siudad.
Inlawlawagna, a naibayagen a naipasa ti ordinansa ken ti maipapan kadagiti X-rated materials ket maibilang a “rider” wenno kanayonan a paset ti ordinansa nga awan ti pakainaigganna.
Gapu iti daytoy, inrakurak na a rumbeng a maikkat daytoy tapno amin a nakapalaon iti Oplan Dalos code ket maipamaysa laeng kadagiti addang a mangipasigurado iti kinadalus ti siudad
Kabayatanna ti Draft City Ordinance No. SP-2024-062 – “An Ordinance revising City Ordinance No. 97-043 wenno Oplan Dalus Code ket naipasa iti maika-dua a pannakaibasa na.
