LAOAG CITY – Inpasa ti Sanguniang panlungsod ti siudad ti Laoag ti maysa a resolusion a mangkiddaw nga ti amin a reklamo iti Armed Forces of the Philippines, Philippine National Police ken National Bureau of Investigation mainaig iti saan nga umno a panagusar ti paltog ket maipaima iti Commission on Human Rights.
Segun ken ni Ms. Ras Kaur, counterpart ni Sanguniang Panlalawigan Member a ni Jason Perera a daytoy a gakat ket napagtutulagan kalpasan nga adda dagiti maawawatda a report a mapagarup adda dagiti sumagmamano a kameng ti pulisya, Armed Forces of the Philippines ken National Bureau of Investigation a manggungundaway ti posisionda tapno aramatenda ti panagusar ti paltog iti saan nga umno a wagas.
Inpettengna a dagiti nadakamat nga ahensia ti gobierno ket rumbeng a linak, urnos ken talna ti naskenda nga unaen saan nga isuda ti pangrugian ti risgo ti seguridad.
Inbatadna a nakailanad iti konstitusion a nasken nga adda dagiti mairekomendar a gakat ti kongreso tapno matulungan dagiti biktima ti human rights violation ditoy pagilian.
