LAOAG CITY – Manamnama a mangisayangkat ti Spain ti grand parade kalpasan a nangabak kontra iti Argentina iti score a 1-0 iti FIFA World Cup 2026.
Segun ken ni Bombo International News Correspondent Maribel Rosal manipud idiay Spain, makapatengngel anges ti nagbalin a laban ti dua a pagilian no sadinno nga agarup 70 agingga 80 a porsiento ket iggemda ti bola iti ay-ayam.
Inbatadna a mamati a nagballigi ti Spain gapu ta ad-adu dagiti ubbing nga umaayam iti grupoda isut gapuna nga ad-adda nga agresibo dagitoy iti panagay-ayam.
Inlawlawagna a rinibribu dagiti football fans ti napan nagatendar iti livestreaming iti naindaklan nga sporting event.
Kunana a naikkan ti nasapsapa nga oras a makaawid dagiti estudiante ken mangmangged idiay Spain tapno maikkanda ti gundaway a makabuyada iti nasao a laban.
Innayonna a daytoy ti maikadua a daras a nangabak ti Spain iti FIFA World Cup kalpasan ti 16 a tawen.
