LAOAG CITY – Inbilin ni House Speaker Faustino “Bojie” Dy III ti dagus a pannakaipasa ti nailungalong a gakat a mangbuwangay ti maymaysa a national minimum wage ken mangikkat iti Regional Tripartite Wages and Productivity Boards sakbay ti Labor Day intono Mayo 1 ita a tawen.
Inaramid daytoy ni Dy kalpasan ti pannakitaripnong na kadagiti kangrunaan nga akin-isponsor ti gakat ken dagiti lider ti dadakkel a grupo dagiti mangmangged, karaman ditoy ti Federation of Free Workers ken dadduma pay a national unions, tapno pagmaymaysaen ti naaramid a reporma.
Naimandar pay ti pannakairaman ti consolidated bill ti sumagmamano a gakat a nakapenpen iti House Committee on Labor and Employment nga inisponsoran dagiti agpanpanday linteg manipod iti nagduduma a partido, a mangipakpakita ti nalawa a suporta ti agdama a sistema ti pannakaikeddeng ti sweldo.
Kalpasan ti taripnong ket inbilin ni Dy nga iraman ti gakat iti plenary agenda iti sumaruno a lawas ken inpasigurado na a matratar a dagus daytoy tapno maipasa sakbay ti labor day.
Iti babaen ti gakat, maiyakar iti National Wages and Productivity Commission ti bileg a mangikeddeng ti sweldo kasukat dagiti regional wage boards.
Adda met ti transition support mechanisms tapno matulungan dagiti sektor a maapektaran.
