LAOAG CITY – Maragsakan ni Speaker Faustino”Bojie” Dy III iti maipatungpal a rollback iti presyo ti langis nga inrakurak ni Presidente Ferdinand Marcos Jr. nga ibilang na a mangpalag-an ti panagbiag ti publiko ken makatulong iti pananglapped iti panagngato ti presyo dagiti magatgatang.
Segun ken ni Dy, ti rollback a P20.89 iti diesel, P4.43 iti gasolina, ken P8.50 iti kerosene ket namnamaen a mapalag-an ti paggastosan iti transportasyon, agrikultura, ken logistics.
Kuna pay ni Dy, napateg ti koordinasyon ti ehekutibo ken lehislatura tapno masigurado a marikna dagiti pamilya a Pilipino ti benepisyo, aglalo iti presyo ti taraon ken kangrunaan a magatgatang.
Inpetteng ni Speaker Dy nga agtultuloy ti addang ti kamara de representantes iti babaen ti LEAD hearings ken nailungalong a KALINGA bill tapno mapagtalinaed ti nababa a gastos ken maprotehiran dagiti konsyumer konsyumer.
