LAOAG CITY – Naideklarar kas special non-working day ditoy ciudad ti Laoag intono bigat, Pebrero 10, 2025.
Daytoy ket iti babaen ti Proclamation No. 77 nga inparuk-at ti Malakanyang a pinirmaan ni Executive Secretary Bersamin Lucas.
Gagem ti pannakaideklarar kas special non-working day ditoy ciudad ket tapno maipaayan ti gundaway dagiti amin a residente a makipaset iti amin nga aktibidad para iti kaaldawan ti Pamulinawen Festival.
Mainaig iti daytoy, nagduduma nga aktibidad ken programa ti maiwayat ita nga aldaw kas paset ti selebrasyon ti Pamulinawen Festival, karaman ditoy Diana around the City iti alas-kwatro intono parbangon, ti Holy mass iti St. William Cathedral iti oras ti alas-nuebe ita a bigat, baro a Laoag Street Dance Competition a maiwayat iti J.P Rizal St. iti sango ti Aurora Park iti oras ti alas-dos intono malem ken dadduma pay.
