LAOAG CITY – Kalikagum ni Sangguniang Panlungsod Member RJ Fariñas nga agreport iti City Disaster Risk Reduction Management Office iti Sangguniang Panlungsod.
Daytoy ket maipanggep iti sea ambulance nga inggana iti agdama ket saan pay naiyawat iti biang ti lokal a gobierno gapu ta awan ti pagiananna daytoy.
Segun ken ni Hon. Fariñas, ti immuna a naibaga a pagiannan ti sea ambulance ket iti ili ti Currimao no sadinno kinunana a saan daytoy mabalin gapu ta naiyalokar laeng daytoy para kadagiti dadakkel a barko.
Kabayatanna, kalikagum ti Sangguniang Panlungsod Member a rumbeng a dagiti adda ti naan-anay a panagsanay dagiti mang-operate iti sea ambulance.
