LAOAG CITY – Nasakit ti nakem ni Sangguninag Panlalawigan Member Jonathan Torralba kas Chairman ti Committee on Agriculture kalpasan nga adda dagiti naduktalan a mailaklako a peke nga abono kadagiti mannalon ditoy probinsiya.
Inlawlawagna a dagiti peke nga abono ket direkta a nagatang manipud iti supplier.
Inpanamnamana nga amin dagiti aglaklako ken aagiwarwaras ti peke nga baono ket natiliwen ditoy probinsiya.
Nupay kasta, kinunana a dagiti ibunbunong ti gobierno probinsial nga abono ket dagiti orihinal.
Immuna iti daytoy, adda dagiti natiliw nga indibidual kalpasan a napanda nagdeliber ti peke a ganagan iti paset ti Brgy. Buyon iti ili ti Bacarra.
Mainaig iti daytoy, inpakaammo ni Arade a malaksid kadagiti napan indeliberda Asuncion ken Colobong iti ili ti Bacarra ket adda payen dagiti immuna nga indeliberda iti ili ti Marcos, Dingras ken Sarrat.
Iti agdama, adda ti 27 a sako ti abono a nakapenpen iti maysa a bodega iti ili ti Badoc nga isu ti mapanda alaen tapno masigurado a saanen a maiwaras kadagiti mannalon.
