LAOAG CITY – Indeklara ni California Gavin Newsom ti state of emergency iti Los Angeles County gapo iti agtultuloy a tignay protesta kalpasan ti pannakatay ti black american a ni George Floyd.
Segun kenni Bombo International News Correspondent Ray Ortal Villanueva idiay California, kiniddaw pay ni Newsom iti lima ribo nga army national guards a tumulong kadagiti agarop 11 a ribo a law enforcers ti Los Angeles.
Inbatad na a maipatpatungpal pay ti curfew manipud iti alas-otso ti rabii agingga iti 5:30 ti bigat ngem saan a sinurot da giti sumagmamano a grupo.
Gapo iti daytoy, naarestar ti agarop 700 a protesters ken nasugatan dagiti sumagmamano a law enforcers.
Kuna pay ni Villanueva a marigatan dagiti otoridad a mangdeterminar no siasinno ti nangorganisar iti tignay protesta gapo ta maus-usar ti social media no aggu-ummong dan iti kalsada a kaadoan kadagitoy ket agtutubo nga agtawen ti 17 agingga iti 30.
Nupay kasta, inpetteng ti Black Flights Marker Movement a saan da a pabor iti riot protest ken daytoy a grupo ti mangiyus-uswat ti peaceful protest kontra iti racism iti nagbaetan ti nangisit ken puraw nga umili.
Inlawlawag ni Villanueva a gapo iti ipatungpal ti law enforcement ket ad-adda nga agpungtot dagiti protesters nga isu ti mangitunda kadakuada nga agaramid ti maikanniwas iti linteg.
