LAOAG CITY – Nangiyalokar ti Naismith Basketball Hall of Fame ti baro nga exhibit para ken ni Stephen Curry a binigbig kas “greatest shooter of all time” iti NBA.
Inanunsio ti Naismith a daytoy ti kaunaan a gundaway iti pakasaritaan ti liga a maaddaan ti exhibit para iti maysa nga aktibo nga umaayam.
Ti nasao nga exhibit ket napauloan kas “Stephen Curry: Beyond the Arc” ken iladladawan ti journey ni Curry manipud iti panagbalin a maysa a bassit a prospect agingga iti panagbalin a maysa kadagiti nalatak nga umaayam iti pakasaritaan ti NBA.
Tampok ditoy dagiti panagballigina kas ti 3-point record, championship rings, MVP awards ken dadduma pay a nagun-odna kabayatan nga agtultuloy ti panagay-ayamna.
Ni Curry ti kangrunaan nga umaayam ti Golden State Warriors a nangikabil ti koponan iti innem nga NBA Finals no sadinno nga uppat ti naiyawidda a kampeonato.
