LAOAG CITY – Napalaos ti ragsak ni Golden State Warriors head coach Steve Kerr kalpasan a pinadayawan isuna ti koponan kas all-time winningest coach.
Nakaaramid daytoy ti rekord idi inabakda ti New York Knicks iti iskor a 97-94.
Gapu iti panangabak ket nagun-odna ti maika-558 a regular season victory.
Inbatadna a saanna a maiyebkas ti panangbigbigda kenkuana gapu ta inaramidna laeng ti amin a kabaelanna iti uneg ti 11 a tawen kas head coach ti koponan.
Ti agtawen ti 59 a ni Kerr ket isu ti nagbalin a rangtay ti kampeonato ti Warriors iti uneg ti 40 a taon a nagun-od idi 2014-2015 season.
Addaan ti 558 a panangabak ken 302 a pannakabak ti Warriors iti babaen ni Kerr iti uneg ti 860 nga ay-ayam idinto a ti dati a winningest coach a ni Al Attles ket naalana ti 557 a panangabak iti uneg ti 1,075 nga ay-ayam.
