LAOAG CITY – Intantan ti Sugar Regulatory Administration (SRA) ti pannakaipakat ti clearance fee kadagiti imported sugar alternatives kalpasan a kinontra ti sumagmamano a quarter nga indauluan dagiti agar-aramid iti kendi ken mainom ti addang gapu kadagiti epektona.
Segun kenni SRA administrator ken CEO Pablo Luis Azcona a ti implementasyon ti Sugar Order (SO) 6, nga agepekto kuma ita nga aldaw, Pebrero 1 ket maitantan gapo kadagiti arungaing dagiti industry players.
Ti Sugar Order 6 a gagem na a mangipataw ti import clearance fee iti P60 per metric ton iti kada sugar alternative, ket maitantan agingga nga adda ti dayalogo kadagiti maseknan.
Kuna pay ni Azcona a sumagmamano kadagiti arungaing iti opisina na babaen kadagiti industry stakeholders ket ti posibilidad a pannaka-delay ti pannakaproseso ti import clearance fees ken bayad iti stipulated babaen iti Sugar Order.
Inpasigurado pmet ni Azcona kadagiti industry players a ti import clearance fee ket maiyetnag iti uneg ti dua agingga iti tallo nga aldaw tapno maliklikan met ti pannakaitantan ti pannakaiparuk-at dagiti imported raw materials.
