LAOAG CITY – Nagreklamo dagiti sumagmamano a Barangay Health Workers ken Barangay Tanod iti Barangay Tangaoan iti ili ti Piddig gapu ta saan da a naikkan ti ayuda manipud iti maysa a diputado nga umabot iti tallo a ribo a pisos
Segun ti maysa a BHW, ti laeng naikkan ket ti barangay officials ken adda dagiti naikkana saan met a maibilang a frontliners.
Kuna da a nagturong da iti opsina ti DSWD iti nasao nga ili tapno maiyuman ti problema da.
Inbatad dagiti maseknan a maysa nga agnagan ti Janet Tungson, maysa a day care worker, ti nangsungbat iti saludsod da seknan ti naibunong itay kallabes iti barangayda.
Kuna ti maseknan a para iti barangay officials ken frontliners ti naibunong ket inbaga ti maysa a BHW a maibilang da a frontliners.
Gapu iti daytoy, sinaludsod ni Tungson kadakuada no nakaawat da ti SAP ket inadmitir dagiti maseknan a nagreklamo a nakaawat ti SAP dagiti assawa da.
Kuna ti day care worker a saan da a mabalin a maikkan ti nasao nga ayuda.
Sinungbatan met ti nagreklamo a BHW no apay nga adda dagiti saan a frontliner ti naikkan ti nasao a gatad ken ti palawag ni Tungson ket isuda dagiti napan nagpatulong iti DSWD ditoy siudad ti Laoag.
Inbatad pay dagiti nagreklamo a BHW ken Tanod iti Bombo Radyo a dagiti saan a frontliner a naikkan ti ayuda ket naikkan da met iti SAP benefit itay kallabes.
Naluksaw dagiti sumagmamano a BHW ken Tanod iti nasao a barangay kalpasan a naamuan da a naikkan ti ayuda dagiti saan a frontliner.
Kuna da a saanen a naiyuman daytoy iti kapitan ti barangay gapu ta nagdiretso da iti DSWD iti ili ti Piddig.
Inpagarup pay dagiti maseknan a nagreklamo a nasukatan ti nagan da rason a saan da a nakaawat ti nasao a gatad.
Naamuan a siyam a Barangay Tanod ken Pito a Barangay helath Worker agraman ti Barangay Nurse Scholar a maibilang a frontliners dagiti saan a naikkan ti ayuda.
iti mainaig a damag, patyen ni Barangay Chairman Charito Garma iti Brgy. Tangaoan iti ili Piddig a saan a naawatan dagiti maseknan ti pannakaipaay ti ayuda.
Kuna na nga awan met ti naidasar nga isyu idi Biernes.
Segun kenni Garma, naggapu ti ayuda kenni Diputado Ria Fariñas para kadagiti frontliners a saan a nakaawat ti Social Amelioration Program benefit.
Inbatad na a maibilang ti ayuda kas gungunada a frontliners idinto a dagiti nagreklamo a BHW ken Tanod ket nakaawat da ti SAP.
Kuna ni Garma nga adda pay ti naawat da a tulong manipud iti Department of Agriculture rason a saan da a nairaman iti ayuda manipud iti diputado a naipadalan iti POO wenno Provincial Operations Office.
Mainaig iti daytoy, inlawlawag ni Garma a dagiti naikkan ti ayuda a saan a frontliners ket napan da nagpatulong iti opisina ti POO ditoy siudad ti Laoag ket napatgan rason a nairaman a nakaawat da.
Inbatad ni Garma a ti nangvalidate kadagiti saan a frontliners ket dagiti pannakabagi ti DSWD a maiyarngi iti validation kadagiti benepisyaryo ti SAP.
Inpetteng ti kapitan a saan da a nakaawat ti SAP benefit gapu ta opisyal da ti barangay rason nga arig a gungunada ti naawat da nga ayuda manipud iti diputado.
Innayon na a malaksid kadagiti ayuda manipud iti SAp ken DA ket nakaawat pay dagiti nagreklamo ti ayuda manipud kadagiti adda iti ballasiw taaw.
Adda ti listaan dagiti nakaawat ti ayuda iti POO ken naikkan ti kopya ti MSWDO.
Nailawlawag ti MSDO ti prosseso ken dagiti saan a makaawat iti nasao nga ayuda.
Kasarita ni Garma dagiti maseknan a nagreklamo tapno malawlawagan ti amin gapu ta nakababain kenni Congresswoman Fariñas.
