LAOAG CITY – Adu a Democrats ti nangipakita ti naiget a suporta iti naminsan manen a panagpaidasig ni United States President Joe Biden.
Daytoy ket kagiddan ti panagngato ti bilang dagiti kaalyado ni Biden ti nagpanawagan a nasken nga agsanud daytoyen.
Sumagmamano kadagiti kaalyado daytoy ti nangipakita ti suporta ket isuda Senate Majority Leader Chuck Schumer, Senator Chris Coons ken ni influential Congressional Black Caucus and progressives a ni Alexandria Ocasio-Cortez.
Mamati dagitoy nga awanen ti makaartap iti wagas iti panangidaulo ni Biden.
Maipalagip a dumanonen iti 19 dagiti congressional democrats ti nagpanawagan ti panagsanud ni Biden nga agpailayon manen iti kina-presidente.
Naudi a nagpanawagan iti daytoy ket ni Colorado House Democrat Congresswoman Brittany Petterson no sadino madanagan iti salun-at ti Presidente nangruna ti panagdesision kadagiti kritikal a situasion.
Immunan nga inpetteng ni Biden a saan daytoy nga agsanud iti panagpaidasigna ken isuna laeng ti makaabak iti kabinnalubalna a ni dati nga United States President Donald Trump.
