LAOAG CITY – Inbatad ni Miss Imee Nicolas, ti Project Development Officer I Youth Formation ti Department of Education – Laoag City nga adda dagiti sumagmamano a visual aid a naikabil iti uneg ti classroom kadagiti pagadalan ditoy ciudad.
Daytoy ti inbatad na kalpasan ti panagmonitor na kadagiti pagadalan ditoy ciudad ti Laoag.
Kuna na nga iti agdama ket awan pay ti inparuk-at ti Central wenno head office ti Department of Education iti partikular a pagannurutan mainaig iti panagikabil ti visual aid.
Nupay kasta, inbatad na a saan da nga ipawil daytoy basta sumagmamano ken importante a banag laeng ti maikabil iti uneg ti classroom.
Maipalagip nga idi panawen ni Vice President ken dati a Department of Education Secretary Sara Duterte ket maipawil ti agikabil ti visual aid iti uneg ti classroom iti pammati a saan a makatulong daytoy kadagiti agad-adal ken makaitunda laeng iti pannakapukaw ti focus da iti klase.
