LAOAG CITY – Nadadael dagiti sumagmamano a paset dagiti nagduduma a pasdek kangrunaan kadagiti sumagmamano a simbaan, hospital ken iti uneg ti pagtaengan.
Nagtennag dagiti sumagmamano a rodrillo iti simbaan katolika iti ili ti Sarrat ken natumba ken naabuong dagiti sumagmamano nga imahe ti sasanto.
Nadadael met iti paset ti simbaan iti Brgy. La Paz ditoy siudad ti Laoag ken naaddaan kadagiti rikki kadagiti diding na.
Naimaldit dagiti nadadael kadagiti paset iti marionap marcos Memorial Hospital and Medical Center iti siudad ti Batac ken ti Karmeli Hospital iti ili ti Pinili.
Iti Batac Hospital, nagallin ken natumba dagiti medical oxygen kasta pay a nairaman a natumba dagiti sumagmamano a ramit iti uneg ti nasao nga ospital.
Nagkakarimbuso met dagiti tattao a manarimaan ti panagtrabahona idi rabii kas iti maysa a BPO company ken uray dagiti madama ti panagturog na.
Kadagiti nagduduma a pagtaengan nangruna kadagiti addaan ti pagtagilakoan ket natumba dagiti nagtutuon a case iti softdrinks.
Iti agdama, agtultuloy ti panangduktal pay dagiti otoridad dagiti possible a nadadael kalpasan ti napigsa a gingined.
