LAOAG CITY – Adda dagiti kameng ti Philippine National Police a napan nagbantay iti Mariano Marcos State University ditoy ciudad ti Laoag ken iti ciudad ti Batac kalpasan nga adda manen ti naawat da a bomb threat idi kalman, Nobyembre 23, 2025.
Daytoyen ti maikawalo a bomb threat a naawat ti nasao nga unibersidad.
Malaksid iti bomb threat, maipagarop a nagpangta pay ti nagipatulod ti mensahe nga adda ti paltogan da iti unibersidad.
Immunan a naireport nga adda ti dua a persons of interest kadagiti immuna a naipatulod a bomb threat iti unibersidad idi 2024.
Rumrumuar a dagitoy ket estudyante ken agpapaay metlaeng iti Mariano Marcos State University, ngem agpapan ita ket agtultuloy paylaeng ti panagimbestigar dagiti otoridad tapno mapaneknekan no dagitoy ti pudno nga adda iti likudan dagiti bomb threat iti napalabas a tawen.
Agpapan ita ket awan met pay ti pamalpalatpatan dagiti otoridad no siasinno dagiti nagipatulod ti nagsasaruno a bomb threat iti laeng kallbes iti nasao nga unibersidad.
