LAOAG CITY – Inbatad ni Bombo International News Correspondent Angelito Calucag iti United Kingdom (UK) a normal paylaeng ti sitwasyon iti nasao a rehiyon.
Daytoy ket iti baet ti panangipataw ti UK ti sanctions kontra iti Russia kangrunaan na dagiti sumagmamano a bangko ti nadakamat a pagilyan.
Inlawlawag na nga awan dagiti mapaspasamak a diskriminasyon kadagiti Russian nga adda idiay UK.
Nupay kasta, adda dagiti residente idiay UK a saan a pabor iti nagbalin a desisyon ni Russian President Vladimir Putin a nangraot iti Ukraine. Mainaig iti daytoy, inbatad ni Calucag a ti laeng namnamaen da iti tension iti nagbaetan ti Russia ken Ukraine ket ti possible a panagngato ti presyo ti petrolyo idiay UK no sadinno a mabalin nga umabot iti 100 a dolyar iti kada bariles.
