LAOAG CITY – Posible a sumango iti kaso dagiti Senador ken dadduma pay a personalidad a nagatendar iti flood control hearing a saan a lehitimo a Senate Blue Ribbon Committee.
Inbatad ni National Bureau of Investigation (NBI) Director Atty. Melvin Matibag a no saan a bigbigbigen a legal ti blue ribbon panel a nangiwayat ti panagdengngeg ket nalawag a naaddaan ti usurpation of authority.
Inlawlawagna a saan a protektado ti parliamentary immunity dagiti nagatendar iti sabali a komite isu a mabalinda a kasoan ti perjury, libel ken defamation.
Maipalagip nga idi Hunio 4 idi nangisayangkat ti Cayetano Bloc ti flood control hearing uray indeklarar ni Senate President Pro Tempore Win Gatchalian nga awan ti official business iti Senado.
Nagpakita idi iti panagdengngeg ti maibilang nga 18 bodyguards a nangakusar kadagiti naruay nga agdama ken dati nga agpanpanday linteg ti maipagarup nga immawat ti kickbacks flood control projects.
