LAOAG CITY – Naiyanod dagiti sumagmamano a tilapia iti Batac Fish Farm gapu iti panaglippias dagiti piskaria gapu iti nakaro a layos nga intunda ti Bagyo Julian.
Segun ken ni Mr. Arthur Valente, ti Provincial Agriculture Office nga agbalor ti agarup 40 a ribu a pisos ti balor dagiti naparuk-atan a tilapia pakairamanan dagiti fingerlings ken breeders.
Inbatadna nga awan metten ti maaramidanda no di ket aramiden dagiti wagas a maisalbar dagiti ikan iti piskaria.
Inlawlawagna a sinaganaanda iti iduduprak ti Bagyo Julian ngem dagitoy dagiti banag a saan pulos a maliklikan.
Nupay kasta, agtultuloy ti panangmonitor kadagiti piskaria nangruna ket awan sarday ti panagtudona gubuay iti nasao a bagyo.
