LAOAG CITY – Adda pay laeng dagiti sumagmamano nga agtagilako iti Laoag City Commercial Complex ti saan a nagtulnog iti panangikabil ti fire extinguisher.
Daytoy ti inbatad ni Fire Chief Inspector Roxanne Parado, fire marshall ti Bureau of Fire Protection (BFP) ditoy ciudad.
Segun kenni Parado, kalpasan a dimmanon kadakuada ti impormasyon nga adda pay laeng dagiti unfunctional a fire extinguishers ket dagus da a napan iti tiendaan tapno aginspek.
Inbatad na nga apaman a nairekomendar a sukatan dagiti maseknan ti fire extinguisher da ket dagus met a sinurot dagiti dadduma kabayatan ti re-inspection.
Nupay kasta, inpasingked ni Parado nga itultuloy da ti panaginspeksyon iti tiendaan ditoy ciudad.
