LAOAG CITY – Agturong idiay Middle East dagiti sumagmamano nga high-level American officials pakairamanan ni Central Intelligence Agency chief William Burns tapno ilungalong ti ceasefire plan iti nagbaetan ti Israel ken Hamas.
Ni Burns ket agturong idiay Qatar idinto a ni Middle East adviser Brett McGurk ket mapan met idiay Egypt.
Manamnama a talantanen da McGurk kaduana dagiti sumagmamano a regional leaders ti agtultuloy a ground operations iti Rafah.
Maipalagip nga immuna ti Qatar, United States ken Egypt kadagiti nangilungalong ti peace deal tapno naan-anayen nga agngudo ti rinnupak iti Gaza.
