LAOAG CITY – Natiliw dagiti maipagarop nga agibyahe ti uring iti ili ti Burgos babaen iti Community Environment and Natural Resources.
Segun kenni Mr. Ronald Cacatin, mapan da agmonitor da ket adda da nakita da a nagkarga ti uring rason a linapdan da ti pannakaideliver kuma dagitoy.
Agpapan maisursurat ti damag ket manarimaan ti panangberipikar dagitoy no addaan isuna ti permit nga agibyahe iti uring.
Naamoan nga ita ket irequire ti Community Environment and Natural Resources ti permit dagiti agur-uring ken masapol nga adda ti grupo wenno asosasyon da para iti panagala da ti permit ken adda pay dagiti proseso iti daytoy.
Iti agdama, manarimaan ti panangdeterminar ti CENRO no siasinno ti akin-kukua kadagiti uring.
Kabayatanna, inbatad ni Cacatin nga awan ti naipakita ti respondent a natiliw idi Hulyo 9 a nagkarga ti nagduduma a kayo.
Segun kenni Cacactin, nakita da dagiti kabanbantayan iti paset ti Bacsil South ditoy ciudad ti Laoag a rumrumuar ket mausar a paguring.
Inlawlawag na a gapo iti daytoy ket maiyuswat ti naan-anay a proseso ken nabayagen a subsubaybayan da ken addan dagiti ballaag da.
Dinakamat na a nabayag da metten a mangiyus-uswat ti surveillance ngem naitultuloy lattan agingga a naaktuan da ti aramid dagitoy.
Kunana nga inadmitir met ti maseknan a daytoy ti maikatlo a gundaway nga inaramid nan daytoy
Naamaoan a naiget nga iparparit ti DENR ti panaguring, panagibayhe ken panagpukan ti kayo nga awanan ti permit manipud iti ahensya.
Kabayatanna, kunana nga ipakat da ti Administrative Order 2022-005 pakaseknan iti panagrehistro dagiti agu-uring tapno makaala da ti permit, ken nasken latta a masurot ti guidelines.
